امداد جعفري

امداد جعفري: شاعر ۽ تنقيدنگار، امداد علي جعفري ولد رسول شاهه'>سيد غلام رسول شاهه ’غمناڪ‘ 15 جنوري 1970ع تي ڳوٺ اڳري راهو، تعلقي هالا، ضلعي مٽياري ۾ ڄائو. سندس اصل نالو سيد امداد علي شاهه آهي. پرائمري تعليم پنھنجي ڳوٺ مان حاصل ڪرڻ کان پوءِ، ثانوي تعليم هاءِ اسڪول ڀليڏني ڪاڪا مان ۽ انٽر هالا ڪاليج مان ڪيائين. ايم. اي (سوشيالاجي) ۽ بي ايڊ سنڌ يونيورسٽيءَ مان ڪيائين، جڏهن ته ايم. ايڊ، سنڌ ايگريڪلچر يونيورسٽيءَ، ٽنڊي ڄام مان ڪيائين. 1997ع ۾، سوشل ويلفيئر آفيسر لاءِ سنڌ پبلڪ سروس ڪميشن جو امتحان ڏنائين، جنھن ۾ سڄي سنڌ مان پھريون نمبر کنيائين. هن جي ادبي سڃاڻپ شاعر ۽ تنقيد نگار طور آهي. سنڌ جي سڀني رسالن ۽ مخزنن ۾ سندس شاعري ۽ تنقيدي ادبي مضمون شايع ٿيندا رهن ٿا. نوجوانن ۾ شعر جو سٺو اڀياس رکي ٿو، گڏوگڏ تنقيدي نقطه نظر اعليٰ اٿس. هو سنڌي ادبي سنگت جو پڻ حصو آهي ۽ پنھنجي والد غلام رسول شاهه ’غمناڪ‘ جي شاعري ۽ شخصيت تي تحقيقي ڪم ڪرائڻ لاءِ هڪ ٽرسٽ پڻ قائم ڪيل اٿس. سماجي حوالي سان مختلف علائقائي تنظيمن ۾ پڻ رهيو آهي.

داخلا ۾ استعمال ٿيل تاريخون

1970.01.15  عيسوي

شاعر ۽ تنقيدنگار ، -امداد جعفري- ولد سيد غلام رسول شاهه ، 15 جنوري 1970ع تي ڳوٺ اڳري راهو ، تعلقي هالا ، ضلعي مٽياري ۾ ڄائو

شاعر - ڀاڱي جون ٻِيون داخلائون